Þróunaraðstoð Íslands til ESB

Ísland borgar fyrir endurbætur á byggðasafni í Bæheimi og fíkniefnavarnir í Rúmeníu svo tvö dæmi sé nefnd um þróunaraðstoð Íslands við 15 ríki Evrópusambandsins. Þróunaraðstoðin er hluti af samningnum um Evrópska efnahagssvæði, EES, sem EFTA-ríkin gerðu við Evrópusambandið.

Þróunaraðstoð Íslands við meira en helftina af meðlimaríkjum ESB undirstrikar fátæktina í álfubandalaginu.

Hér heima reynir Samfylkingin og útsendarar Össurar úr utanríkisráðuneytinu að selja okkur Evrópusambandsaðild vegna þess að við ætlum að græða á aðild. Sannleikurinn er sá Ísland mun greiða með sér til sambandsins.

Hér er heimasíða um þróunaraðstoð EFTA-ríkjanna Íslands, Noregs og Liechtenstein við fátæktarríki Evrópusambandsins.

Athugasemdir

[Elín Sigurðardóttir (IP-tala skráð) 1.3.2011 kl. 09:30]

Það er greinilegt að Bæheimur heillar öðlingana Ögmund og Össur meira en Dalabyggð. Fást góðir ostar þar?

http://www.mbl.is/frettir/innlent/2011/01/10/engin_logregla_i_budardal/

[Ragnhildur Kolka, 1.3.2011 kl. 10:35]

Fróðleg lesning. Í "góðærinu" virðist þróunaraðstoð hafa verið sett á einhvers konar autopilot, en nú eru menn að vakna. Bretar hafa til dæmis ákveðið að hætta að senda þróunaraðstoð til Rússlands og Kína.

Það kemur líklega flatt upp á flesta að Bretar hafi þurft að senda ölmusufé til þessara stórvelda, sem hvort um sig gæti sett þá í rassvasann.

En svona er nú heimspólitíkin; þú klórar mér og ég klóra þér svo aftur.