Meðhlauparar tryggja útrásinni framhaldslíf

Útrásarmenn kunnu ekki ensku samkvæmt fréttum af eiðsvörnum vitnisburði Jóns Ágeirs Jóhannessonar, Ingibjörg Pálmadóttur og Pálma í Fons. Tíðindin eru stoð fyrir tilgátu um verkaskipti græðgisvæðingarinnar.

Útrásarauðmenn lögðu til þekkingarleysi á erlendum tungumálum og þeir kunnu heldur ekki mannasiði, gátu ekki greint á milli réttlætis og ranglætis, sanninda og ósanninda, heilbrigðra viðskiptahátta og óheilbrigðra.

Víðtækur skortur á siðferðilegu og félagslegu taumhaldi var framlag auðmannanna. Meðhlauparar þeirra á endurskoðunarskrifstofum, lögfræðistofum, almannatengslafyrirtækjum, fjármálastofnunum og í stjórnmálaflokkum lögðu til tæknilega kunnáttu sem gerði útrásina mögulega.

Útrásarauðmenn hittu fyrir marga viljuga meðhlaupara sem tóku þátt í spillingunni. Meðhlaupararnir eru margir enn í ábyrgðarstöðum og vilja fyrir hvern mun halda hlífiskildi yfir Jóni Ásgeiri og félögum. Pálmi í Fons á enn flugfélagið sitt og Jón Ásgeir verslanir og fjölmiðla.

Mestur munar um að Samfylkingin er í ríkisstjórn og starfar samkvæmt bandalaginu sem gengið frá í formannstíð Össurar Skarphéðinssonar um að Samfylkingin veitti Jóni Ásgeiri pólitískan styrk en fengi á móti annars vegar fjárhagslegan stuðning og hins vegar málafylgju fjölmiðla Jóns Ásgeirs. 

 

Athugasemdir

[Hákon Jóhannesson (IP-tala skráð) 10.7.2010 kl. 13:18]

 ...meðhlauparar tryggðu...

Lykilorðið er trygging og hún er ekki án endurgjalds. Eða hvað ? 

Skoðunarmenn ("endurskoðendur") hafa sloppið vel út úr umræðunni.

Þeirra ábyrgð er mikil, er það ekki ?

Þetta eru fagaðilar sem hafa blessað og skrifað upp á alla ársreikninga fjársvika- og uppblásinna loftbólufélaga ár eftir ár. Hafa legið yfir bókhaldi óreiðufélaga sem síðan rústuðu efnahag Íslands.  Án athugasemda. 

Gott væri ef fleiri en þú minntist á þessa "meðhlaupara". 

Axla þeir ábyrgð sína, eða hafa úttektir þeirra og matvsviðmið ekkert breyst ? Einhver ? 

[Finnur Bárðarson, 10.7.2010 kl. 17:46]

Rétt hjá Hákoni, meðhlauparar sleppa billega í umræðunni. Góð færsla