Síðmarxistinn og kreppa frjálslyndra vinstrimanna

Það yrði saga til næsta bæjar yrði Jeremy Corbyn forsætisráðherra Bretlands. Frjálslyndir kratar í Verkamannaflokknum, Tony Blair og félagar, treysta ekki Corbyn fyrir horn og hægripressan kallar hann síðmarxista.

Sigur Trump í Bandaríkjunum þótti frjálslyndum vinstrimönnum slæm tíðindi. Sigur Corbyn í Bretlandi yrði martröð.

Marx á hinn bóginn hlýtur að kreppa hnefann í frostfríum jarðvegi Highgate-kirkjugarðsins. Gamla manninum var aldrei um frjálslynda gefið.

 

Corbyn gæti tekið við taumunum

Guðni sýnir Jóni Þór fingurinn

Jón Þór Ólafsson þingmaður Pírata bjó til tveggja daga vinnu fyrir forsetaembættið með hávaða og látum innan og utan alþingis. Forsetinn sýndi Jóni Þór fingurinn á diplómatískan hátt.

Jón Þór og stuðningsmenn hans í vinstraliðinu vildu fremur karldómara en kvenkyns í landsrétt og gerðu hríð að meirihluta þings og dómsmálaráðherra.

Krafa Jóns Þórs og félaga var að forsetinn blandaði sér í ákvörðun alþingis og framkvæmdavaldsins og ylli með því stjórnskipunarkreppu. Píratar og vinstrimenn þrífast best í kreppuástandi. En forsetinn, góðu heilli, sýndi óreiðufólkinu fingurinn.

Forsetinn undirritaði skipunarbréf

Trump og trúarstríð múslíma

Trump heimsótti höfuðríki súnní-múslíma, Sádi-Arabíu, og gerði þar viðskiptasamninga, sem reyndar eru sagðir mest í þykjustunni - falsfréttir. Aðalríki shíta-múslíma er Íran.

Sádar og Íranar heyja staðgenglastríð um völd og áhrif í ríkjum eins og Sýrlandi og Jemen. Bandaríkin styðja Sáda en Rússland Íran.

Hryðjuverkarásin í Teheran, höfuðborg Íran, sem kostaði 13 mannslíf, er skrifuð á reikning Sáda. Ríki íslams er herská hreyfing súnní-múslíma og stendur reglulega fyrir hryðjuverkum á vesturlöndum.

Trúarlegur bakhjarl Ríkis íslam er Sádi-Arabía, trúarríkið þar sem konur eru annars flokks þegnar og opinberar aftökur eru daglegt brauð. Íran er líka trúarríki og stundar opinberar aftökur á samkynhneigðum.

Trúarstríð múslíma frá 1979 er með þeim einkennum að allir sjö forsetar Bandaríkjanna, þar af þrír demókratar (Carter, Clinton og Obama) og fjórir repúblíkanar (Reagan, Bush eldri og yngri, og Trump) styðja Sádi-Arabíu gegn Íran.

Bandaríkjaforsetar koma og fara en trúarstríðið heldur áfram með sama takti.

Segir ummæli Trump „viðbjóðsleg“