Hagvöxtur til hægri, kreppa til vinstri

Hagvöxtur verður við pólitískan stöðugleika, traust ríkisfjármál og tilrú. Sígild hægripólitík, jafnvægi á milli íhaldssemi og einstaklingsfrelsis, skapar þessi skilyrði.

Ef jafnvægið raskast, eins og gerðist fyrir hrun, hleypur slæmska í hagkerfið með þekktum afleiðingum.

Vinstripólitík er andstaðan við íhaldssemi og einstaklingsfrelsi; bylting og samfélagstilraunir. Pólitískur stöðugleiki, skikkanleg ríkisfjármál og tiltrú þrífst illa eða alls ekki í vinstripólitík.

Hægrimenn tala um að skapa verðmæti, en hafa minni áhyggjur af útdeilingu þeirra. Aðaláhyggjuefni vinstrimanna er að deila út verðmætum, en þeir láta sér í léttu rúmi liggja hvort og hvernig þau verða til.

Skynsamar þjóðir setja hægriflokka í ríkisstjórn en úthluta vinstriflokkum það hlutverk að veita aðhald í stjórnarandstöðu.


mbl.is Blússandi hagvöxtur áfram
Tilkynna um óviðeigandi tengingu við frétt

Falsfréttir og falskur veruleiki

Fjölmiðar eins og RÚV eru á undanhaldi frá hlutlægri fréttamennsku og á hraðri leið inn í kjaftakvörn samfélagsmiðlunar þar sem mestur hávaðinn fangar athyglina.

RÚV stundar skipulagða kjaftakvarnarblaðamennsku með einhliða áróðri um málefni sem stofnunin tekur upp á sína arma, núna síðast loftslagsvá.

Yfirgengileg einföldun og misþyrming talnaefnis eru ær og kýr kjaftakvarnarinnar á Efstaleiti.

Almenningur veit ekki hvaðan á sig stendur veðrið enda fátt um fína drætti í andófinu gegn fölskum veruleika RÚV.

 


mbl.is Mikill meirihluti hefur áhyggjur af loftslagsmálum
Tilkynna um óviðeigandi tengingu við frétt

Bloggfærslur 17. febrúar 2017

Innskráning

Ath. Vinsamlegast kveikið á Javascript til að hefja innskráningu.

Hafðu samband