Þriðjudagur, 6. september 2016
Fjölmiðlun án risafjölmiðla - losnum við 365 og RÚV
Samfélagsmiðlar og blogg eru vettvangur frétta og umræðu um fréttir, og í þeim skilningi blómstrandi fjölmiðlar, á meðan fjölmiðlafyrirtæki eru bæði í vanda með rekstur og faglega stefnu.
Verið er að búta í sundur stærstu fjölmiðlasamteypu landsins, 365-miðla. RÚV er fjárhagsleg og fagleg ruslahrúga sem eyðir almannafé í að skapa stjórnarkreppu og þjóna pólitískri dagskrá starfsmanna sinna.
Fjölmiðlarisar eins og 365-miðlar og RÚV eru úrelt fyrirbrigði og eiga hvorki heima á markaðstorgi hugmyndanna né í viðskiptum. Þegar risarnir eru fallnir vex upp lággróðurinn sem stendur í skugganum. Fjölmiðlun sýnir aukna grósku og lýðræðið verður þróttmeira.
Veikir fjölmiðlar eru veikt lýðræði | |
Tilkynna um óviðeigandi tengingu við frétt |
Dægurmál | Breytt s.d. kl. 22:05 | Slóð | Facebook | Athugasemdir (4)
Þriðjudagur, 6. september 2016
Píratar stunda persónunjósnir
Andríki afhjúpar Pírata sem persónunjósnara í pistli í dag. Andríki vitnar í nafngreindar heimildir úr röðum Pírata sem viðurkenna að atkvæði greidd í prófkjöri eru rekjanleg.
Með öðrum orðum: Píratar njósna um fólk sem í góðri trú greiðir atkvæði í leynilegum kosningum.
Leynilegar kosningar eru eitt megineinkenni lýðræðislegra stjórnarhátta. Píratar kolfalla á lýðræðisprófinu.
Dægurmál | Slóð | Facebook | Athugasemdir (2)
Þriðjudagur, 6. september 2016
Viðreisn er uppreisn efnafólksins
Með Þorgerði Katrínu skýrist myndin af Viðreisn. Hún var ráðherra sem átti eiginmann í forystusveit Kaupþings. Meðframbjóðendur Þorgerðar Katrínar eru talsmaður atvinnurekenda síðustu ár, Þorsteinn Víglundsson; annar er sonur fyrrum ráðherra og stjórnarformanns MP-banka og heitir Páll Rafnar.
Formaður Viðreisnar er Benedikt Jóhannesson, kominn af efnafólki og til langs tíma stjórnarmaður í stórum fyrirtækjum. Helsta baráttumál Viðreisnar, aðild að Evrópusambandinu, er dæmigert hagsmunamál fyrir tekjuhópa í hærri kantinum.
Sennilega er Sjálfstæðisflokkurinn, með slagorðið stétt með stétt, of mikill jafnaðarflokkur fyrir viðreisnarfólkið.
Leiðir Þorgerður Katrín lista Viðreisnar? | |
Tilkynna um óviðeigandi tengingu við frétt |
Þriðjudagur, 6. september 2016
Fjöldahreyfing vina og vandamanna
Birgitta Jónsdóttir fékk heil 160 atkvæði í fyrsta sætið í prófkjöri Pírata í Reykjavík og hafði þar betur en allir aðrir.
Haldi velgengni Pírata áfram í skoðanakönnunum, en flokkurinn mælist sá stærsti í landinu lengi vel á kjörtímabilinu, mun Birgitta Jónsdóttir fá heimboð á Bessastaði til að taka með sér umboð til stjórnarmyndunar í lýðveldinu.
Það má drýgja 160 atkvæði.
Oddviti Pírata fékk 15,5% í fyrsta sætið | |
Tilkynna um óviðeigandi tengingu við frétt |