Kjósendur fela sig á bakvið Pírata

Við hrunið varð trúnaðarbrestur milli stjórnmálakerfisins og almennings. Stjórnmálaflokkur er enn ekki búnir að ná tiltrú kjósenda. Stór hópur kjósenda, nærri þriðjungur, vill ekki gefa upp stuðning við neinn hefðbundinn stjórnmálaflokk.

Píratar þjóna því hlutverki að bjóðakjósendum  skjól til að atast í reglulegum stjórnmálaflokknum. Með því að segjast kjósa Pírata segir fólk pass í pólitík.

Píratar eru stjórnmálaafl án annarra skoðana en að mótmæla. Og þriðjungi kjósenda hentar sú staða á milli kosninga.

Píratar enn stærstir í könnunum

Ólafur Ragnar og unglingarnir

Unglingar ráða ferðinni í íslenskum stjórnmálum. Enginn formanna stjórnmálaflokka á alþingi er yfir fimmtugt. Til að vega upp á móti æskufjöri á alþingi er æskilegt að á Bessastöðum sitji ráðsettur maður húsvanur stjórnmálum og reyndur á alþjóðavísu.

Ólafur Ragnar Grímsson er maður sem tvinnar saman ólíka þætti er sjaldan finnast í einni og sömu opinberu persónunni; hann er umdeildur en jafnframt farsæll.

Þegar Ísland logaði stafnanna á milli, kjörtímabil vinstristjórnarinnar 2009 til 2013, var Ólafur Ragnar öryggishnappur þjóðarinnar. Án Ólafs Ragnars hefðum við ekki fengið að kjósa frá okkur Icesave-klyfjar ríkisstjórnar Jóhönnu Sigurðardóttur.

Ólafur Ragnar á heima á Bessastöðum næsta kjörtímabil.

Verður bitist um Bessastaði?