Sunnudagur, 4. október 2015
Hernámi Ísraels fagnað - af hernumdu fólki
Bandaríkin kynntu undir ófriðarbálinu í Sýrlandi án þess að hyggja að leikslokum. Rússar eru komnir í spilið og freista þess að slökkva elda sem Bandaríkin bera ábyrgð á.
Gólanhæðir á landamærum Ísraels og Sýrlands eru setnar Ísraelsmönnum frá sex daga stríðinu 1967. Af sumum er svæðið kallað hernumið, líkt og Vesturbakkinn og Gasa.
Blaðamaður New York Times var á ferðinni í Gólanhæðum nýverið og tók íbúa þar tali. Þeir prísuðu sig sæla búa við ísraelskt ,,hernám" enda valkosturinn Ríki íslam eða Assad Sýrlandsforseti.
Ísrael gerir góðverk í stríðsþjáðum heimshluta en fær litlar þakkir.
Íhlutun Rússlands nauðsynleg | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Sunnudagur, 4. október 2015
Vinstrimenn hafna réttarríkinu, ráðherra standi í lappirnar
Hæstiréttur kemst að niðurstöðu á grunni laga um brottvísun tveggja hælisleitenda. Vinstrimenn í minnihluta á alþingi krefjast fundar með innanríkisráðherra gagngert til að hnekkja dómi hæstaréttar.
Réttarríkið er sameign okkar allra. Tilburðum vinstrimanna að grafa undan því verður að mæta með ákveðni og festu. Engum er málið skyldara en ráðherra dómsmála.
Ekki undir nokkrum kringumstæðum ber að fallast á að framkvæmdavaldið teki fram fyrir hendur hæstaréttar.
Vilja fund með innanríkisráðherra | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)