RÚV ljósmóðir flokksmúsar ríkra ESB-sinna

Fyrsta frétt RÚV í hádeginu var að Benedikt Jóhannesson ætlaði að stofan hægriflokk ESB-sinna. Benedikt telur að markaður sé fyrir slíkan flokk enda tilheyrir hann þeim hópi manna sem eiga rúmlega til hnífs og skeiðar og vill fullveldið feigt.

Kannanir sýna að efnaðir ESB-sinnar styðja Samfylkinguna enda eiga þeir ekki í önnur hús að venda. Sumir, t.d. Helgi Magnússon, auðmaður með tjáningarþörf, veðjuðu stórt á Samfylkinguna og standa eins rakkar fjarri kjötkötlunum og hóta manni og öðrum með háværu gelti.

Ríku ESB-sinnarnir glíma samt við vandamál. Auðmaður eru eins og almúgamaðurinn aðeins með eitt atkvæði. Og þótt RÚV hjálpi til þá hrekkur það skammt. Engu að síður, flokksmýs krydda tilveruna.

Sjálfstæðisflokkurinn, krónan og félagslegt réttlæti

Með því að standa vörð um krónuna og lágt atvinnuleysi er Sjálfstæðisflokkurinn undir forystu Bjarna Benediktssonar að slá skjaldborg um félagslegt réttlæti á Íslandi.

Lágt atvinnuleysi leyfir nær öllum þátttöku í atvinnulífinu og kemur í veg fyrir brottfall af vinnumarkaði. Fólk í vinnu getur séð sér farborða og lendir ekki í vítahring atvinnuleysis og þverrandi starfsgetu eins og milljónir Evrópumanna.

Bjarni Benediktsson bendir á samhengið milli krónunnar og atvinnutækifæra. Þegar kreppir að í efnahagskerfinu verður samdrátturinn annað hvort tekinn út í gjaldmiðlinum eða með auknu atvinnuleysi.

Krónan gerir okkur mögulegt að taka út kreppuna í gegnum gengisfellingu á meðan evran útilokar þann möguleika. Evran er aðalvandi Evrópusambandsins, segja sérfræðingar sem gerst þekkja til.

Það mótsagnakennt, að ekki sé meira sagt, að formaður Samfylkingarinnar, sem á að heita jafnaðarmannaflokkur, er í heilögu stríði gegn krónunni og hallmælir henni við hvert tækifæri.

Sjálfstæðisflokkurinn stendur fyrir félagslegu réttlæti á meðan Samfylkingin vill flytja inn í landið útlenda eymd, sem sannanlega veldur alþýðu manna stórskaða, og heitir evra.

Milljarðar munu sparast