Fimmtudagur, 24. apríl 2014
Frjálslyndi á miðju Atlantshafi
Í Bandaríkjunum eru vinstrimenn varla kallaðir annað en frjálslyndir og eftir því tortryggðir sem óamerískir. Í Bretlandi eru frjálslyndir borgaralega þenkjandi og forðast ríkisafskiptaöfgar vinstrimanna.
Hér á Íslandi er Framsóknarflokkurinn frjálshuga flokkur sem hafnar öfgum blindrar markaðstrúar í einn stað en geldur jafnframt varhug við stórfelldum ríkisafskiptum.
Frjálslyndi á miðju Atlantshafi er vitanlega heilbrigðasta útgáfa stefnunnar. Það gerir sjávarloftið.
Forsætisráðherra fundar með frjálslyndum | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Fimmtudagur, 24. apríl 2014
Árni vill heilsugæsluna til að selja hana
Árni Sigfússon bæjarstjóri Reykjanesbæjar seldi Hitaveitu Suðurnesja og fasteignir bæjarins til að fjármagna glórulausar skýjaborgir. Núna vill Árni fá heilsugæsluna frá ríkinu. Umhyggja Árna er ekki fyrir heilsufari íbúanna.
Árni ætlar selja heilsugæsluna hæstbjóðanda. Það má græða á heilsugæslu þar sem ríkið borgar reikning sjúklinganna. Vinkona Árna er Ásdís Halla Bragadóttir er þegar kominn í heilbrigðisrekstur þar sem ríkið greiðir og einkaframtakið hirðir hagnaðinn.
Árni bæjó veit alveg hvað klukkan slær þegar snjallar viðskiptahugmyndir eru annars vegar.
Vilja taka yfir rekstur heilsugæslunnar | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Fimmtudagur, 24. apríl 2014
Guðni skók jörðina - en nennti ekki innanflokksátökum
Viðbrögð vinstrimanna við mögulegu framboði Guðna Ágústssyni í Reykjavík mætti líkja við jarðskjálfta. Guðni er vinsæll og með sterka tilhöfðun til almennings og þess vegna fóru óhróðursmaskínur vinstrimanna í yfirgír.
Guðni var tilbúinn í slagsmál við pólitíska andstæðinga. En hann nennti ekki innanflokksátökum.
Lái honum hver sem vill.
Guðni gefur ekki kost á sér | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (6)
Fimmtudagur, 24. apríl 2014
Eftirhrunið að hjaðna - vor á Íslandi
Upplausn eftirhrunsins birtist í búsáhaldamótmælunum og ríkisstjórn Jóhönnu Sig. Þjóðin afþakkaði eftirminnilega framhald á upplausnarástandinu þegar Samfylkingu og VG var refsað í alþingiskosningunum fyrir ári.
Með því að kjósa Framsóknarflokk og Sjálfstæðisflokk valdi þjóðin stöðugleika og uppbyggingu umfram pólitíska vargöld vinstriflokkanna. Landið tók að rísa efnahagslega þegar í tíð ríkisstjórnar Jóhönnu en vinstriflokkarnir nutu þess ekki enda gekk betur í efnahagsmálum þrátt fyrir vinstristjórnina en ekki vegna hennar.
Þótt enn séu ekki öll hrunkurlin komin til grafar liggja meginlínur skýrar í pólitíska uppgjörinu. Ráðdeild og festa í efnahagsstjórnun er efst á forgangslistanum. Sjálfstæðisflokkur og Framsóknarflokkur veita bestu forystuna að þessu markmiði. Verkalýðshreyfingin er ekki með umboð til að streitast gegn ríkisstjórninn sem er með skýrt og ótvírætt umboð frá þjóðinni.
Gleðilegt sumar.
Mun móta efnahagsstefnuna | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Fimmtudagur, 24. apríl 2014
Árni bæjó í ESB-flokk Benedikts J.
Árni Sigfússon bæjarstjóri Reykjanesbæjar seldi eigur bæjarfélagsins til að losa um fé í skýjaborgir á tímum útrásar. Eftir standa skuldir og eignalaust bæjarfélag. Árni er þó hvergi nærri hættur og býður sig enn fram til þjónustu sína við að sökkva bæjarsjóði í skuldafen.
Líkur aukast þó á að Keflvíkingar og Njarðvíkingar afþakki þjónustu Árna og félaga hans í Sjálfstæðisflokknum. Árni mun eiga vinum að fagna í ESB-flokki Benedikts Jóhannessonar og Sveins Andra og gæti leitað þangað þegar Reykjanesbæjarferlinum lýkur.
Miðstöð skýjaborga Árna bæjó á tímum útrásar var Sparisjóðurinn í Keflavík. Benedikt Jóhannesson var góðkunningi Sparisjóðsins og fékk 650 milljónir króna lán í gjaldþrota rekstur.
Þeir félagarnir Benedikt og Árni búa sameiginlega að geysimikilli kunnáttu að fara með fé og það hlýtur að vera traust undirstaða fyrir forystuhlutverk í nýjum stjórnmálaflokki.
Virðist sem vín renni í stað vatns | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)