Óbreytt eymd hjá ESB

Samdráttur og 11% atvinnuleysi er staðfesting á því að evru-svæði Evrópusambandsins horfir fram á eymdarástand næstu árin.

Enn er umræða um að útganga Grikklands sé forsenda fyrir því að evru-svæðið hjarni við.

Efnahagsleg hnignun og pólitísk óvissa er uppskrift að viðvarandi ófermdarástandi á evrusvæðinu í fyrirsjáanlegri framtíð.

Óbreytt verðbólga og atvinnuleysi á evrusvæðinu

Mannúð, fjölmenning og töpuð velferð

Velferðarþjóðfélög vesturlanda voru byggð á mannúðarsjónarmiðum. Velferðarþjóðfélögin byggðu á tvíþættum arfi byltinganna á 19. öld um frelsi, jafnrétti og bræðralag annars vegar og hins vegar fullvalda þjóðríki sem skipulagsheild.

Almenningur í velferðarþjóðfélögum Vestur-Evrópu var fram yfir miðja síðustu öld einsleitur; bjó að sömu tungu, sögu og menningu. Eftir miðja öldina opnuðu Vestur-Evrópuríki landamæri sín fólki úr öðrum heimsálfum. Vestur-Þýskaland fékk ódýrt vinnuafl frá Tyrklandi, Bretar og Frakkar tóku við fyrrum þegnum sínum úr nýlendunum.

Velferðarþjóðfélög Vestur-Evrópu gátu og vildu taka við fólki frá Afríku, Miðausturlöndum og Asíu. Hugmyndin um fjölmenningu fékk opinberan stuðning. Þjóðleg einsleitni skyldi víkja fyrir alþjóðlegri fjölbreytni. Evrópusambandið jók vinsældir sínar á þessum sama grunni.

Um aldamótin fer að renna upp fyrir almenningi í Vestur-Evrópu að stóraukinn straumur aðkomumanna úr fjarlægum heimsálfum mun keyra velferðarþjóðfélagið í gjaldþrot. Fjölmenningin bíður jafnframt hnekki þar sem hún fóstrar trúaröfgar sem ala af sér hryðjuverkamenn er herja á vestræn samfélög og grunngildi þeirra. Í stjórnmálum vék mannúð eftirstríðsáranna, sem sósíaldemókratar báru einkum fram, fyrir nýrri umræðu um menningarmun milli fólks eftir uppruna og trú.

Óöld í Miðausturlöndum eykur á flóttamannastrauminn til Evrópu, sem jafnframt tekst á við þjóðflutninga innan Evrópusambandsins þar sem fólk í austri flytur vestur í von um betri lífskjör.

Einsleitnin sem var hornsteinn velferðarþjóðfélagins er töpuð og kemur ekki aftur. Fjölmenningin er misheppnuð tilraun.

Efnahagslega velmegunin sem stóð undir velferðarþjóðfélaginu er í hættu, ekki síst á evru-svæðinu. Lítill hagvöxtur og hátt atvinnuleysi gerir kröfu um sparnað í ríkisútgjöldum, sem bitnar á skjólstæðingum velferðarkerfisins.

Velferðarþjóðfélag vesturlanda er á hvarfanda hveli. Alls óvíst er hvað tekur við.    

 

 

 

Calais og Hitler í sömu setningu

Bæjarstjórinn og drusluganga skattborgara

Bæjarstjórinn í Keflavík, Kjartan Már Kjartansson, stingur upp á druslugöngu skattborgaranna, til að minna á að sumir stunda skipulega skattasniðgöngu. Oft sama fólkið og frekjast mest á samfélagsþjónustunni sem það borgar helst ekki fyrir.

Drusluganga skattborgaranna er tímabær á fleiri bæjum en Keflavík og nærsveitum.

Nauðgun og nafnlausar fréttir

Fréttir af nauðgun eru alltaf nafnlausar af tveim ástæðum. Í fyrsta lagi til að verja hagsmuni fórnarlambsins og í öðru lagi vegna þess að meintur nauðgari er saklaus þangað til sekt hans er sönnuð. Það er skammur vegur á milli nafnlausra frétta og engra frétta.

Réttarkerfið viðurkennir ekki nauðgun fyrr en að undangenginni rannsókn og réttarhaldi. Á meðan því ferli stendur ætti að hafa aðgát í nærveru sálar.

Vandséð er að fórnarlamb nauðgunar sé betur statt ef fréttir tíunda nafnlausa ásökun un nafnlausa nauðgun.

Ákvörðunin byggi á skilningsleysi

Jesú og druslurnar

Jesú gekk druslugönguna um liðna helgi, eru skilaboð kvenprests. Óekkí, segir talsmaður Vantrúar, kirkjan þjösnast ár og síð á konum.

DV kallar formann Vantrúar til vitnis um að Jesú gekk ekki druslugönguna. Formaðurinn vitnar í heilaga ritningu til staðfestu að Jesú var víðsfjarri göngunni.

Þær eru margar druslurnar. 

ESB ekki lengur Evrópa

Evrópusambandið yfirtók álfuheitið Evrópa í þegar samrunaferli ESB-ríkjanna gekk hvað hraðast fyrir sig um og eftir aldamótin. Í samtali blaðmanns Die Welt við þýska stjórnmálafræðinginn Herfried Münkler dúkkar spurningin upp hvort Evrópa eða Evrópusambandið standi frammi fyrir breytinum.

,,Það er jú nokkur munur á Evrópu og Evrópusambandinu," segir blaðamaður og stjórnmálafræðingurinn samsinnir.

Münkler ráðgjafi þýska utanríkisráðuneytisins og með þekktari stjórnmálafræðingum landsins. Hann telur næstu tvö til þrjú árin leiða í ljós hvort Evrópusambandið eigi sér framtíð eða ekki. Münkler segir tvo möguleika fyrir ESB. Í fyrsta lagi kjarnasamstarf stofnríkjanna, Þýskalands, Frakklands, Ítalíu og Benelux-landanna. Í öðru lagi breiðari ESB undir forystu Frakklands og Þýskalands.

Hvor heldur útgáfan sem yrði ofan á er hugmyndin um Evrópusamband svotil allra landa álfunnar lögð á hilluna.

Viðtal Die Welt við Münkler er eitt dæmi af fjölmörgum þar sem reynt að semja nýja frásögn um Evrópusambandið. Rauður þráður í þessum tilraunum er að bjarga því sem bjargað verður af Evrópusambandinu. 

Viðskiptamódel Bónus/Hagkaupa á fákeppnismarkaði

Hluthafar Haga, sem reka Bónus/Hagkaup samstæðuna, taka inn ríkulegan hagnað í skjóli fákeppni á matvörumarkaði. Árshagnaðurinn nemur um 4 milljörðum króna.

Á fákeppnismarkaði þarf ekki að haga áhyggjur af samkeppni. Löngu viðurkennt er að meintur samkeppnisaðili Bónus, Krónan, heitir svo vegna þess að Bónus ákveður verðið og Krónan er krónunni dýrari eða þar um bil.

Ekkert samráð þarf um slíka samstillingu verðlags, aðeins ,,skilning" og örar verðmælingar hjá meintum samkeppnisaðilum til að ganga úr skugga um réttan ,,skilning."

Viðskiptamódel Haga gerir ráð fyrir um 5 prósent hagnaði af veltu. Verðlagningin miðast við það.

Miklu meiri hækkanir en vænta mátti

Tvær auðmannaútgáfur, 3 vinstri og 2 til hægri

Jón Ásgeir Jóhannesson fyrrum Baugsstjóri á auðmannaútgáfuna 365-miðla, sem hallist til Samfylkingar í pólitík en mylur þó mest undir umsvif eigandans.

Björn Ingi Hrafnsson stýrir Vefpressunni fyrir hönd auðmanna sem fela nafn og númer. Eyjan var til skamms tíma hreint vinstramálgang en fetar sig inn á miðjuna. DV er með óljósa pólitík, enda feimið við eignarhaldið.

Í landinu eru þrjár hreinar vinstriútgáfur; RÚV, Kjarninn og Stundin. Hægriútgáfurnar eru tvær; Morgunblaðið og Viðskiptablaðið.

Samantekið; hægripólitík á undir högg að sækja í íslenskum fjölmiðlum.

 

„Ekki séns í helvíti“

Rússar hervæðast á norðurslóðum

Norðurslóðir og Atlantshaf eru meginþættir í nýrri flotastefna Rússa, samkvæmt þýska tímaritinu Spiegel. Vegna útþenslu vesturveldanna í Austur-Evrópu byggja Rússar upp styrk sinn í norðri.

Aðgangur að náttúruauðlindum í norðri er ekki síður mikilvægt keppikefli Rússa sem hyggjast byggja upp flota kjarnorkuknúinna ísbrjóta.

Á Kyrrahafi stefna Rússar að vinsamlegum samskiptum við Kínverja.

Norðurslóðir verða vettvangur hagsmunaárekstra vesturveldanna og Rússa í fyrirsjáanlegri framtíð.

4 fjölmiðlaveldi og smælingjar sem skipta máli

Í landinu eru fjögur fjölmiðlaveldi; Morgunblaðið, RÚV, 365-miðlar Jóns Ásgeirs og Vefpressa Björns Inga. Auk fjömiðlaveldanna eru miðlar s.s. Viðskiptablaðið, Kjarninn og Stundin með launaða blaðamenna að skrifa fréttir.

Í viðbót við þessa fjölmiðlaflóru eru eitthvað um 20 til 30 öflugir bloggarar sem reglulega birta sitt sjónarhorn á tíðindi dagsins. Þá eru ótaldir brjálæðingar sem vilja drepa mann og annan og kalla það umræðu.

Allt talið erum við nokkuð vel sett með fjölmiðla.

Bíða samþykkis Samkeppniseftirlitsins